Lavurs manualas, lavurs manualas textilas e furmaziun creativa
Impuls e novas ideas, ina cussegliaziun individuala che s’orientescha a la pratica - tut quai chattais Vus gratuitamain en il center didactic per roms artistics. En las stanzas spezialisadas ed equipadas fitg bain pudais Vus experimentar gist sez- natiralmain cun accumpagnment e sustegn da nossas spezialistas e da noss spezialists.
Ina cussegliaziun en il center didactic per roms artistics vala sco furmaziun supplementara individuala e sch’ella cuzza 2,5 uras u dapli pon ins nudar quai en il carnet da testat.
Purschida da curs per teams da scola en il center didactic
Planisais Vus ina furmaziun cuntinuada interna da scola en il sectur dals roms artistics? Nus manain Vus e Voss team tras il center didactic e purschain pussaivladads da s’approfundar en temas che Vus tschernis. Per infurmaziuns pudais Vus As drizzar a la partiziun „furmaziun cuntinuada“ da la SAPGR.
Persunas d’instrucziun san visitar il center didactic cun in’annunzia sur la pagina d’internet www.dizege.ch u survegnir ina cussegliaziun al telefon (081 354 03 18).